1. Ümumi müddəalar və terminlər

1.1. Bu İstifadəçi Razılaşması (bundan sonra «Razılaşma»), «Heyvanal.az» internet portalının (bundan sonra «Portal» və ya «Platforma») sahibi ilə Portaldan istifadə edən fiziki və hüquqi şəxslər (bundan sonra «İstifadəçi») arasındakı hüquqi münasibətləri tənzimləyir.

1.2. İstifadəçi Portala daxil olduqda, qeydiyyatdan keçdikdə və ya elan yerləşdirdikdə bu Razılaşmanın bütün şərtlərini heç bir qeyd-şərtsiz qəbul etmiş sayılır.

2. qeydiyyat və hesab təhlükəsizliyi

2.1. Portalda elan yerləşdirmək və ya şəxsi kabinet imkanlarından faydalanmaq üçün istifadəçi mobil telefon nömrəsi vasitəsilə qeydiyyatdan keçməlidir.

2.2. İstifadəçi öz hesabının təhlükəsizliyinə və şifrəsinin məxfiliyinə görə şəxsən məsuliyyət daşıyır. Şifrənin üçüncü şəxslərə ötürülməsi qəti qadağandır.

3. Elanların yerləşdirilməsi qaydaları

3.1. İstifadəçi yerləşdirdiyi hər bir elanda heyvanın cinsi, yaşı, çəkisi, sağlamlıq vəziyyəti və qiyməti barədə yalnız doğru və dürüst məlumat verməyi öhdəsinə götürür.

3.2. Eyni bir heyvan üçün təkrar elan yerləşdirmək, real olmayan qiymət qeyd etmək və ya başqasına aid fotolardan istifadə etmək qadağandır.

3.3. Heyvan satıldıqdan sonra istifadəçi dərhal həmin elanı şəxsi kabinetindən silməyə və ya statusunu dəyişməyə borcludur.

4. Məsuliyyətin məhdudlaşdırılması

4.1. Heyvanal.az portalı yalnız informasiya vasitəçisidir və alqı-satqı əməliyyatlarında tərəf kimi iştirak etmir. Portal alıcı ilə satıcı arasındakı maliyyə hesablaşmalarına və ya heyvanın faktiki sağlamlıq vəziyyətinə görə maddi və ya hüquqi məsuliyyət daşımır.

4.2. Alıcı heyvana yerində baxış keçirməli və ödənişi yalnız təhvil-təslim zamanı etməlidir.

5. Məxfilik və fərdi məlumatların qorunması

5.1. İstifadəçinin qeydiyyat zamanı təqdim etdiyi məlumatlar Azərbaycan Respublikasının "Fərdi məlumatlar haqqında" Qanununa uyğun olaraq qorunur və üçüncü tərəflərə ötürülmür.

6. Mübahisələrin həlli və qanunvericilik

6.1. Bu Razılaşmadan irəli gələn bütün mübahisələr Azərbaycan Respublikasının qüvvədə olan qanunvericiliyinə uyğun olaraq danışıqlar yolu ilə, razılıq əldə edilmədikdə isə səlahiyyətli məhkəmələr tərəfindən həll edilir.